Оливия Родриго бол Америкийн поп дуучин бөгөөд 2021 онд гаргасан “SOUR” цомог нь түүнийг дэлхий дахинд таниулсан юм. Тэрээр өөрийн гэсэн өвөрмөц стильтэй бөгөөд цомгийн нэрээ дөрвөн үсэгтэй томоор бичдэг, мөн ягаан өнгийг брэнд өнгө болгон ашигладаг байв. 2023 онд гаргасан “GUTS” цомог нь ч мөн адил ягаан өнгөтэй, дөрвөн үсэгтэй нэртэй байсан билээ.
Гэтэл дөрөвдүгээр сарын 2-нд Оливия Родриго өөрийн гурав дахь цомог болох “you seem pretty sad for a girl so in love” нэртэй цомгийн нүүр зургийг танилцуулж фэнүүдээ гайхшруулав. Цомгийн нүүрэн дээр тэрээр саарал хөх өнгийн тэнгэрийн дэвсгэр дээр дүүжин сандал дээр толгойгоороо доош харж байгаагаар дүрслэгдсэн байна. Энэ нь түүний өмнөх цомгуудын ягаан өнгө, дөрвөн үсэгтэй нэр гэсэн стилээс эрс ялгаатай юм.
Зарим фэнүүд нь түүний шинэ өнгө төрхийг сайшааж, уран бүтээлч хүний хувьд өөрчлөгдөж, шинийг эрэлхийлж байгааг нь дэмжиж байгаагаа илэрхийлсэн. Харин зарим нь түүний өмнөх стилийг илүүд үзэж, энэ өөрчлөлт нь маркетингийн алдаа болж магадгүй гэж үзэж байна. Түүний шинэ цомог нь фэнүүдийн дунд янз бүрийн сэтгэгдэл төрүүлж байгаа бөгөөд үүнийг маркетингийн чадварлаг шийдэл үү эсвэл алдаа юу гэдгийг цаг хугацаа харуулах болно.
